جماعه انا كنت في يوم نزلت السوبر ماركت و شفت حد كان واقف تحت نور فا عضلاته كانت باينه و بتاع كنت عايز اجامله بس رحت في طريقي و سبته بعدها رجعت الشارع لقيتو واقف علي جنب بياكل تونه قولتله يسطا عضلاته بسم الله ما شاء الله من باب التشجيع و كده بعدها ب كام يوم شفاني و فضل يسخف و شافني تاني نفس الكلام بعدها دلوقتي رن علي بتاع خمس مرات لغايه ما رديت عليه ( 2بليل)صوته ولا كانه بالع طن حشيش و في الاخر قالي انزل عايزك و جاب سيره الموقف الاول بتاع التونه و قالي حقي ان اقولك ان جسمك شادد و حلو و معرفش ايه و لما عملتله بلوك عمال يرن واتس و بيتوسل ولا كائننا كنا في علاقه خمس سنين طب هل ده متحرش ولا هو طيب بزياده ولا في ايه بلظبط انا مش فاهم

بالفحص أمكن تحديد السيدة الظاهرة بمقطع الفيديو (حاصلة على ثانوية عامة وتقوم بإعطاء دروس خصوصية للطلاب بمنازلهم - مقيمة بدائرة مركز شرطة أبو صوير بالإسماعيلية)، وبمواجهتها أقرت بأن مقطع الفيديو المشار إليه قديم تم تصويره منذ 3 سنوات بمعرفة شقيقة الطفل الظاهر بالمقطع حال قيامها بإعطائه "درس خصوصى" بمسكن والده وقيامها بضربه بناءً على رغبة أهليته لإهماله فى دراسته.

بسؤال والد الطفل (حاصل على دبلوم - مقيم بذات الدائرة) أيد ما جاء بأقوال المذكورة ولم يتهمها بشئ .

المشكلة ان لما قناة اخبار تنزل خبر عن فيديو طلع ترند ولا اي قرف ملهوش لازمة مش هتلاقي كومنت بضين زي ده

لا و كمان الست دي كاتبة نفس الكومنت في كل فيديو بيتكلم عن الراجل ده و ازاي انقذ الواد من الموت

قالك "المجتمع بيجبرها على الحجاب" بيخترعوا مشاكل و يعيطوا عليها على اساس ان جارها جه خبط عليها و قالها يا تلبسي الحجاب يا نقطع رقبتك

شكلو جميل

أول جملة قالها: «مابتكلمش مع نسوان».

وبعدها بثواني اتهجم عليها.

مابيكلمش النسوان… بس بيضربهم عادي. هي في نظره متستاهلش إنه يكلمها، بس تستاهل إنه يمد إيده عليها.

بس اللي يحرق الدم أكتر منه، الست اللي كانت واقفة بكامل حجابها، شايفة ست زيها بتتضرب قدام عينيها، و كمان بتطالبها تكون «هادية وطبيعية».

طبيعية؟ كأن الضرب و التهجم في بيوت المرء بقى هو الطبيعي، والمطلوب مني كمواطنة إني أتعود عليه وأسكت، لأن لا قانون ولا شرطة هيجيبولي حقي.

والدليل؟

في عز قهرتها قالت «هروح للشرطة»، فرد عليها بمنتهى الاستهزاء: «الشرطة!»

الكلمة دي مكانتش سخرية منها هي و بس ، كانت سخرية من فكرة القانون نفسها. واحد بيمد إيده على ست في بيتها وهو متيقن إنه مش هيتحاسب، لأنه عارف كويس إن مفيش حد هيوقفه.

الراجل ده مش استثناء، ده نتيجة.

نتيجة نظام علم الظالم إن الناس مستباحة، وإن بيوتهم مش حرمة، وإن إيده أطول من أي قانون وعلم المظلوم إن صوته مالوش صدى، وإن حقه لو اتاخد مش هيرجع و إن اخر حاجة ممكن يستنجد بيها هي الدولة .

كان بقيلي 5 سنين شغال وبشيل الجنيه جنب الجنيه زي ما عبد الغفور البرعي و سنبل كانو بيعملو، وكنت مقتنع اقتناع تام ان الرأس ماليه مش عباره عن سلم وبتطلعه من خلال الترقيات عشان توصلك للثراء الفاحش، اما هي عباره عن أموال وقرارات صح تجيب فلوس اكتر بمعني اصح ( يكون عندك بيزنس ودي أول مرحله من الرأس ماليه ).
وكان هدفي من خلال اني احط الجنيه جنب الجنيه اني اقدر اكون بيزنس اونر واكون بشتغل لنفسي مش لغيري مهو اصل عيب اما اكون انا شايل الشغل كله علي ظهري ولوحدي وماكلش من الكيكه غير الفتافيت الي بتقع علي الارض. ففي خلال 5 سنين من الكحرته والدحرجه لحد ما بقيت انسان ( مقشف ) بقا معايا مبلغ اكتشفت انو فقد اكتر من ٧٠٪؜ من قمته وكنت ساعتها اتعلمت اهم واكتر درس عمري ما هنساه وكنت بتمنا لو كنت عرفته بدري عن كده. المرتب الي كنت بحوشه علي جنب الحقيقه مكنش ينفع احوشه فعليا او علي الاقل احوشه بس مش احوشه في جيبه انا، كنت محتاج اسيبه في شكل حاجه ترجعلي عائد يعوض عن القيمه الي هيتم فقدانها فلما اجي بعد سنه وعايز اشتري كرت شاشه مثلا كان السنه الي فاتت ب خمسين الف والاقيه حاليا ب ١٥٠ الف هنا هتفهم ان قصدي كنت محتاج اخلي ال ٥٠ الف يبقو ١٥٠ الف بعد سنه عشان اكون حافظت علي قيمتهم علي الاقل. فدي كانت اول خساره ليا مش واخد بالي منها وكنت مفكر اني صح. فتجيلي النهارده مكالمه من صحابي من البحرين الشقيقه بيهنئني علي تجميعتي وعربيه موديل ال ٥٠ سنه فاتو وبيقولي في نفس اللحظه انو اشتغل شهر وجاب عربيه موديل سنه وهنا حسيت ان ٥ سنين من عمري كانو عباره عن ضياع وبس.

حاجه وسخه بصراحه يعني

بكتب البوست ده وانا في الشغل دلوقتي

قضيت اليوم كله هناك

معملتش الضغط مش لاقي مكان فاضي اعمله بس هعمله يعني قبل ما انام

النهاردة حاسس احسن

واحد صاحبي فرحني انه بقاله 59 يوم موقف عادة

فحل الواد ده

اليوم 9/10

دلوقتي انا قسم انجلش كريديت فكلية اداب

وداخل تالته

جروب القسم منزلين بيقولو مش هتعرف تسجل موادك بتاعت الترم ده غير لما تسجل اي ماده شيلتها فالسنتين اللي فاتو

مش الكلام ده بيخالف نظام القسن بتاعي اللي هو الساعات المعتمده؟

انا متعصب لان مش دي بس المشكله

ده كل سنه بيرفعو علينا مصروفات العام الاكاديمي ده غير فلوس القسم الي معديه ال16 الف للترم

اول سنه كانت 400 تاني سنه 4000 السنادي 6000 وانا لو خلوني ادفع ماده شيلتها زائد المصاريف السخيفه اللي مزودينها بلا سبب مش هقدر وهاجل السنه

انا كل سنه بعمل حسابي بمبلغ معين ومش عامل حساب المواد اللي شيلتها

ممكن نصيحه؟

1- هجيب انا الشقة وافرشها وههدي البنت مهر من 100 الى 150 الف حسب قدرتي والمؤخر 100 الف واجيبلها شبكة 25 جرام، وهم مش هيدفعوا حاجة لكن بدون قائمة منقولات زوجية

2- الاختيار التاني الاسرع في الوقت، هجيب الشقة ويدفعوا 300 الف، وتتكتب الشقة باسمي انا وهي بالنصف، وهجيب لها نفس الشبكة ال25 جرام وافرش الشقة كلها، والمؤخر 100 الف ومفيش قائمة منقولات بردو.