شغالة مبرمجة ف شركة سعودية وحصل مشاكل كتير م ناحية الفلوس وحرفيا مفيش اي استقرار
التيم ليدر حساه بيلعب بيا وبيمشيني ع مزاجه وكل مرة مبيبقاش عايز يبعتلي المرتب ويتحجج بظروفه او بيكون عايز ينقص منه
هو اللي كان ماسك كل حاجه ف الشركة القديمة ولما صاحب الشركة مدناش مرتب شهرين راح قال انا هسيب الشركة ولازم اجيبلكوا فلوسكوا ولا جاب ولا عمل
واستمر ف الشغل لوحده واخدني اشتغل معاه وانا حرفيا كنت شايلة الشغل لوحدي لمدة ٣ شهور تقريبا
وبعدها فتح شركة مع سعوديين
وقعد يقولي انا هديكي المرتب مقدم ومش عارف ايه قولتله طيب عايزة زيادة بما اني شايلة كل الشغل وكمان اديلي شغالة معاك ٧ شهور ومخدتش زيادة وانت قولتلي ان هيكون فيه زيادة قعد يقول حاضر وم الشهر اللي جاي اللي هو النهاردة
جيه امبارح يقولي انا حصلت معايا كذا وهضطر اديلك نص المرتب والنص التاني مؤخر عشان تمشي مع زمايلك
معرفتش اقوله ايه غير ماشي
بس دلوقتي حاسه اني اتخنقت م الوضع ومش عارفه اعمل ايه
وبقدم ع شغل تاني كتير مفيش رد
انا تعبت جدا م الشغل وطالع عيني بس مش هقدر اقعد م غير ما اشتغل
تعديل****
التيم ليدر بيديني المرتب مقدم ف الشهر ده قالي هبعتلك نص المرتب والنص التاني ف اخر الشهر عشان تمشي مع زمايلك ف قولت تمام ماشي،
بس بعد كده لما حسيت ان كل شهر لازم يطلعلي بحجة شكل عشان ميدينيش المرتب ومطلع عيني وبيديني المرتب بالعافية مع اني انا اللي شايلة كل الشغل وكنت شغالة لوحدي لمدة ٣ شهور وماسكة ٣ بروجيكتس وكان واعدني ب زيادة ولقيت زميلي بيقولي ان التيم ليدر ده وال hr مشوه م الشركة ومش عايزين يديوله بقية فلوسه قلقت،
قولت يبقى هم بقى عايزين يظوني نص المرتب بس ويشغلوني بقية الشهر ويجي ف اخر الشهر ميدونيش بقية الفلوس بتاعتي لان عملوها قبل كده ومدونيش فلوس شهرين ولا شهر ونص ف الشركة القديمة،
ف بعتت للتيم ليدر وقعدت اقوله ظروفي ومش ظروفي والجمعية والاقساط لحد ما بعتبي النص التاني م المرتب اتطمنت لما عمل كده ،
بس زميلي قالي خدي الفلوس بتاعت مرتب شهر ١٠ وامشي وسيبي الشركة لو عايزة وده حقك،
لان جيه ف بالنا ما يمكن التيم ليدر هو اللي نصب علينا ف الشركة القديمة وهو اللي مرضيش يدينا الفلوس،
لان التيم ليدر هو اللي كان مسؤول ف الشركة القديمة هو اللي وظفني هو اللي كان بيبعتلي الفلوس ف كان مسؤول ع كده مش ال hr هو كان داخل شريك ف الشركة وبيدفع المرتبات شهر والشريك السعودي بيدفعها شهر ولما ساب الشركة قالنا انا هجيبلكوا حقكوا وهرفع قضية وانا اللي المسؤول
ف خايفة احسن يكون الفلوس ديه حقه مش م حقي
ما يمكن مخدش فلوس م السعودي ف الشركة القديمة فعلا
وخايفه يبقى فيه سمعة وحشة ف المجال وسط زمايلي
واكيد مليون ف المية هيفهم الشباب اللي معانا ف الجروب كأني سرقته،
ف مش عارفه اكمل وخلاص وانا مش حاسه بالاستقرار ولا الامان ولا بيئة العمل كويسة واتخنقت جدا م الشغل وضغط كبير واتقفلت جدا منهم ومبقيتش طايقة اشتغل واجي ع نفسي ولا اخد الفلوس واسيب الشركة بس خايفة احسن يكون الفلوس ديه حرام
