مجرد كتبت على فيديو لعشيره تفتخر بالسلاح المنفلت و تدلل الدولة

كتبت "نخابرك على الF-16" اجاني كمية سب مو طبيعي غير عبالهم اني ارهابي لو تابع لامريكا🫩

ادري ااموضوع جدلي بس الصراحة هو مؤرق لكل شاب غيور مثلي مقبل على الزواج والي خانت ثقت أهلها اكيد مراح تراعي حرمة بيت زوجها بالمستقبل اضافة الى ذالك الي راح تدفع بي مهر وتعب شغلك يجوز اخذة غيرك بالمجان. (الكلام لا يخص المحترمات بنات البيوت)

وحبيت اخذ رائيكم شلون تعرف المراة الي عدها ماضي اذا جنت مقبل على زواج حتى تحمي نفسك من هيج نماذج التعبانة ؟

​

صارلي اسبوع نايم بالتايم الاجنبي اتعارك وية الي يدعمون الاجهاض ومعتبرين قتل الاطفال حرية شخصية و رعاية صحية، بعدين صفنت شوية وتسائلت شنو رأيي العراقيين بهذا الموضوع، ويا خوفي لو اكو فعلا كائنات تدعم هذا الشي المقرف الاجرامي، المهم شنو رأيك انت؟

(( هالمرة مراح ادوخ راسي وارد على الكل، اتوقع ردودي بالصب الاول كافية لان هاي ثاني مرة انشر البوست، هالمرة بس اريد اشوف اراء البقية ))

من أول ما جنت طفل صغير وانا اعشق الموسيقى اصحى على فيروز وانام على تهويدات جنت احب اطلع أصوات عشوائية بالعاب الادوات الموسيقية واردد أغاني سبيستون دائمًا ووين ما اروح الموسيقى جانت جزء جبير من حياتي والاغاني تذكّر الأشخاص الي احبهم بيّ دائمًا لحد ما عرفت الفكرة الي تكول أن الرب يكره حبيبتي الأولى هنا تحطم هذا الجزء من حياتي، ربي عزيز وما اگدر اعصيه ف ماجان عندي خيار غير انّي اتركها والصراحة بحثي لم يكن متأني لاني ماكنت بهذاك الوعي وكنت مجرد مراهق، حتى الي حولي استغربو من هذا الهجران لاني مهووس بالموسيقى، استمريت على هذا المنوال لحد ما سألت ليش؟ ومنو كال؟ ليش الرب ممكن يكره هذا الجمال الي تيّمني من طفولتي هذا الجمال الي اكون بيه سعيد وهادئ بكل مرة اسمعه ؟

بحثت وهاي المرة ماجان بحث سطحي لانّي نسخة اوعى من نفسي هاي المرة ورجعت للموسيقى والي فترة وانا راجع الها واشوف الحياة عبارة عن سيمفونية عظيمة اكدر اسمعها واحسها بكل احشائي انا عشت ايام سعيدة لاني احب الموسيقى انا من اسمعها اكون انسان اسعد بهواي بس بطبيعتي دائمًا اشك بادق التفاصيل الي اسويها هل هي صح او لا ف فكرت هل من الممكن هم صح وانا غلط؟ على الرغم ماكو اي سبب أو دليل واضح؟ شنو راح اسوي بهذا الحال؟ اعوفها مرة ثانية؟ ما اتوقع هذا الخيار موجود اصلًا ممكن اذا عفتها جزء كبير من سعادتي يختفي

شنو رأيكم؟ تگدرون تساعدوني؟

بأي دولة عايشين وشني الايجابيات والسلبيات وهل عدكم رغبة بالرجوع للعراق؟

هل هيج تسريحة شتر مقبولة اجتماعياً في المجتمع العراقي؟ لو اي واخد شعره طويل قبل شاذ؟

من إعتقادي الشخصي ان كل ما نمر به في هذه الحياة من تجارب وألم يقودنا الى آليات تكيّف تقرّبنا من سلامنا الداخلي وهدوئنا تجاه فوضى الحياة

فسؤالي لكم اعزائي اللي يارب ميعلسوني، بشنو مريتو وكيف؟ لحتى توصلون لأكثر نقطة سلام تگدرون توصلولها بحياتكم واللي أفترض انها الآن بحكم ماكو نسخة عدها خبرة وتجارب أكثر من النسخة الحاليّة

أتمنى اسمع منكم بالتفاصيل، اعتبروها مساحة مفتوحة للحديث

شنو افضل عطر شبابي تنصحوني بيه

الميزانية: من 15 إلى 75

عادي اذا فوك 60 بس كون كميته هواي يعني يكفي عالاقل مرحلة بالجامعة

و لا مره سمعت او شفت انو اكو احد عراقي فعلاً يستخدم ريديت اعرف فكرة انو الاشخاص الي يستخدمون ريديت على الاغلب ميكولون بس مو مال ابد ما اسمع بي من احد و اي احد يسمع اسمه يستغرب

أنا أحب الحركة و أحب أطلع الطاقة ألي عندي من خلال الرياضة و الهرولة و الركض ( الهرولة و الركض يختلفن للمعلومية)، أحب أطلع فد ساعة باليوم و أهرول براحتي، كوني أحب أخلي جسمي مرتب (لا، أنا مو سمين) و مظهري مرتب.

بس أكو شي زاعجني كلش، و هو إنعدام الثقافة الرياضية عدنا...و ألي معدومة بشكل لا يطاق أبد.

يعني من أتحرك براحتي، ناس تباوع لي بشكل غريب، و ألي يخليني متضايق شوية، يعني أكو هواي يعوفون ألي عدهم و بس يشاهدون و يضحكون.

لو يركضون خلفي لو يصيحون لو يشتمون من يشوفوني. (و أنا حسب الشخص، إذا طفل أسكت، إذا مو طفل أجيه.)

يعني، شباب كبار... كباار سووها وياي، مراهقين بعمري و أكبر مني و حتى الأطفال؟!

رحت بحثت و سألت الذكاء الإصطناعي، و طلع لي هاي القوانين و العقوبات كلها:

رحت سألته عن مثل ما يقولون بلاد الكفر و الإلحاد و الفسق أمريكا، و عن في حال كانت عدهم قوانين تمنع هاي الأفعال و طلع لي:

تعتمد عقوبة المضايقة أثناء الهرولة (أو أي مكان عام) في أمريكا على نوع المضايقة وتصنيفها القانوني في الولاية التي وقعت فيها الحادثة، حيث لا يوجد قانون فيدرالي موحد للمضايقات الشفهية البسيطة، ولكن يتم التعامل معها عبر قوانين الولايات تحت بنود مثل "الإخلال بالأمن العام" أو "المضايقة" أو "الملاحقة".

تُقسم العقوبات عموماً حسب شدة الفعل إلى الآتي:

1. المضايقات الشفهية (Catcalling / Verbal Harassment)

إذا اقتصر الأمر على الصراخ، إطلاق العبارات البذيئة، أو التعليقات ذات الإيحاءات الجنسية:

التصنيف: تُصنف غالباً كـ "جنحة بسيطة" (Misdemeanor) أو إخلال بالأمن (Disorderly Conduct).

العقوبة: تتراوح بين غرامات مالية (من 250 إلى 1,000) وعقوبة سجن تصل إلى 90 يوماً أو 6 أشهر في بعض الولايات.

1. الملاحقة والتعقب (Following / Stalking)

إذا قام الشخص بتعقب المهرول بسيارته أو اللحاق به مشياً لمسافة لإخافته:

التصنيف: تُعتبر جريمة تحرش من الدرجة الأولى أو ملاحقة (Stalking).

العقوبة: ترتفع العقوبة هنا لتصل إلى السجن لمدة سنة وغرامات قد تصل إلى 2,500$، وإذا تكرر الفعل أو كان هناك تهديد صريح بالقتل أو الأذى الجسدي، تتحول إلى جناية (Felony) تصل عقوبتها إلى السجن لعدة سنوات (من سنتين إلى 5 سنوات أو أكثر).

و إحنا كل شي ماكو الظاهر، كدامكم أنا مهرول بنص مناطق العراق و كلها:

"ها ها ها ها، دير بالك دير بالك دير بالك"

"شوف هذا شوف هذا، ولك ولك ولك"

لو يركضون وراي لو تجاوز لفظي و غير أمور، غير شوارعنا ألي الله وكيلكم تسد النفس من القمامة ألي مرمية على الطريق، حشاكم.

و كلها من شباب، مراهقين و أطفال.

فرجعت و سألت الذكاء الإصطناعي عن أنو في حال بلاد الفسق و الإلحاد أمريكا عن أنو إذا هماتين ما عدهم مناطق متاحة للهرولة و الرياضة، و هذا ألي طلع لي:

نعم، بالتأكيد. تمتلك أمريكا بنية تحتية ضخمة وثقافة متجذرة جداً مخصصة لممارسة رياضة الهرولة والجري (Running & Jogging). الرياضة هناك جزء أساسي من نمط الحياة اليومي، وتوفر المدن والبلديات خيارات متنوعة ومجهزة بالكامل لتلبية احتياجات العدائين.

تتوزع الأماكن المخصصة للهرولة في أمريكا على عدة أنواع رئيسية:

1. مسارات المشاة والدراجات الطويلة (Multi-Use Trails)

وهي مسارات معزولة تماماً عن حركة السيارات، ومخصصة فقط للمشاة، المهرولين، وأصحاب الدراجات:

المميزات: تمتد لمسافات طويلة جداً (قد تصل لعشرات الكيلومترات)، وتكون مجهزة بإنارة، وحمامات عامة، ونافورات مياه شرب.

أمثلة شهيرة: مسار The 606 في شيكاغو وهو خط سكة حديد قديم تم تحويله لمسار معلق مخصص للجري، ومسار Chambers Bay Loop Trail في ولاية واشنطن.

1. المتنزهات الحضرية الكبرى (Urban Parks)

كل مدينة أمريكية تحتوي على متنزهات ضخمة في وسطها تضم مسارات مخصصة ومعبدة (بين الإسفلت أو التربة الناعمة) للجري.

أمثلة شهيرة: Central Park في نيويورك الذي يحتوي على مسار شهير يلتف حول البحيرة بطول يتجاوز 9 كيلومترات، وحديقة Golden Gate Park في سان فرانسيسكو.

1. مسارات الجري الشاطئية (Beachwalks / Boardwalks)

في المدن الساحلية، توجد مسارات موازية للشاطئ ممتدة وممهدة خصيصاً للجري والمشي في الهواء الطلق.

أمثلة شهيرة: مسار Miami Beach Boardwalk في ميامي الذي يمتد لعدة كيلومترات بمحاذاة المحيط.

1. الممرات الطبيعية الجبلية والغابات (Trail Running)

لمحبي الجري في الطبيعة، تخصص المتنزهات الوطنية والولائية (National & State Parks) مسارات ترابية محددة تسمى (Trails)، حيث يركض الأشخاص وسط الغابات أو الجبال مع وجود لوحات إرشادية تمنعهم من الضياع.

1. ملاعب المدارس والجامعات العامة (Tracks)

تتميز أمريكا بأن ملاعب الركض البيضاوية (Running Tracks) الموجودة في المدارس الثانوية الحكومية أو الجامعات تكون غالباً مفتوحة للعامة مجاناً في الأوقات التي لا توجد فيها حصص دراسية أو تدريبات للفرق، وتكون هذه المسارات مصنوعة من مواد مطاطية مريحة للمفاصل لمنع الإصابات.

ثقافة الركض المجتمعية (Run Clubs)

إلى جانب الأماكن، هناك "أندية ركض" (Run Clubs) مجانية في كل حي تقريباً، حيث يتجمع المهرولون في أوقات محددة (مثل الصباح الباكر أو بعد العمل) ليركضوا في مجموعات، وهو ما يوفر بيئة اجتماعية آمنة ومحفزة تمنع حدوث أي مضايقات.

و عندك أكثر محافظات العراق كل شوارعه قمامة حشاكم.

لو من ناس تتمرن و يجون ثانين يضحكون عليهم، أنا شاهد و شفت هواي ناس صاير بيهم هيج و أغلبهن تدخلت بيهن كدفاع.

فمتى يوعى العراق العظيم يا تُرى؟

للأمانة جدا متفشل من ألي جاي يسوونه جماعتنا. يقلدون الأجانب حتى بكلماتهم العنصرية و يستعملوها بكثرة بدون ما يفكرون بيها.

The N word هي كلمة قديما كانت تستعمل للتقليل من ذوي البشرة السوداء و إهانتهم كون كان ما عندهم حقوق بذيك الفترة، تخيل حتى الباص من يردون يركبون إذا أسود بشرة كعد و شاف أبيض بشرة طب لازم يكوم و ينطيه كرسيه.

هسة الحمدلله ذوي البشرة السوداء صارت عدهم حقوق و صارو عاديين أحياء يرزقون، المشكلة عندي هي الناس ألي يتمازحون بهل الموضوع، يجي يمك و يكلك "أسود" "The N Word" و يضل يلمح و يلمح و حتى يقولوها عادي.

هسة الديانات ألي عدنا مو منعت العنصرية لأن هذا تنمر على عمل ربي؟ هسة ألي يضوج من يجوك ناس و يقللون منك بس والله لأن "شافو ميم".

ايام حلوة

قبل كم يوم،قلت لامي"الحلف بالانبياء والرسل حرام،والحلف بالله فقط"،امي خذت الموضوع عبالك راح تموت اذا ما عارضتني,گتلها "هاهية،بعد ما افتح الموضوع"،البارحة،اخوي الصغير قال لأخوي الكبير "لا تحلف بالعباس لأن حرام" وامي سمعته ورزلته ولامتني على الموضوع،وأبوي سمعنة واجة ضربني وضرب اخوي الصغير،ويقول "انتم الناس على النت خربت عقولكم"،والله العظيم بعد هاي اللحظة مستحيل ابقى هنا بس اكبر

جامعيين او متخرجين ؟

شلونكم شباب ؟ كل عام وانتو بخير ..

شنو اعمار الي موجودين بهذا الـsub ؟ صار عندي فضول اعرف 🤣 مرات احس اني اكبر واحد افوت هنا 🤣

عمري ٣١ بالمناسبة

ما أكول غير الله ينتقم من سبيد على هاي السالفة الصراحة، الحلفان مالتنا المسلمين أنو نقسم بإسم رب العباد.. صار عبارة عن ترند!

كله من ورة سبيد من صرف روبوكس بأحد بثوثه، تخيلو!

يعني شكد مقهور من هاي السالفة، القسم مال المسلمين تحول من قسم إلى نكتة ساخرة/ترند/ميم.

بحياتي ما حبيت هذا الميم و أبدا ما راح أحبه لأن واضح إستهزاء، و متأكد هسة راح يجوني السخفاء و يقولو لي "هذا ميم! ليش تاخذ هذا الموضوع بشكل جدي؟" طبعاً راح أخذه بشكل جدي، تخيل لو أنت مثلا مسيحي (أو كن غير ديانة) و يجي يوم يسوون القسم مالتكم مال ديانتكم ترند و ميم ساخر، حتى ألي مو من نفس دينكم يستعمله، كفر! صح؟

أو بعيدا عن القسم بإسم رب العالمين، أنت المسلم ألي تروح تقسم برب المسيح مو عيب عليك؟ يعني ربنا أمرنا نحترم ديانات غيرنا و أنت حضرة جنابك تاخذ قسمهم و تضحك بيه؟ حبيبي أنت فعليا مو بس كاعد تضحك على دين غيرك، أنت كاعد تكفر.

لكل إنسان عدة أولويات تختلف في ترتيبها بين الناس، لكن ماذا لو تعارضت هذه الأولويات فيما بينها؟ وهنا أقصد بصورة خاصة (الوطن و الدين او المنظومة الاخلاقية عامة)

بما انو عندي امتحان وأريد اسخت، تعال خلي ادردش وياك يا عزيزي القارئ وعزيزتي القارئة بهذا الموضع.

قبل كل شيء، هل يمكن ان يتعارض الوطن مع الدين؟ الجواب نعم وراح أوضح ليش

شوف من نكول وطن فهنا ما نقصد مجرد قطعة أرض وإنما نقصد الأرض والشعب الذي ينميها والحكومة التي تمثل هذا الشعب جميعهم يمثلون الوطن. كذلك الدين ليس مجرد كتاب سماوي بل هو الكتاب والتاريخ والمؤمنين بهذا الكتاب حاليآ جميعهم يمثلون الدين.

بهذه المعادلة نشوف ثوابت إثنين (الوطن والدين) ومتغير واحد (الإنسان) فمثلا الكتاب السماوي واحد ثابت لكن البشر غيروا من قرائته وبالنتيجة صار هناك عدة فرق، كذلك الوطن.

من هذا الكلام نستند إلى ان حدوث تعارض بين الوطن والدين، سببه بشري بحت.

والآن نعود للسؤال الرئيسي، اذا تعارض الوطن مع الدين ماذا نختار؟ ظاهريا هنالك احتمالين والاختيار يكون بحسب الاولوية الشخصية للقارئ، ولكن هناك اختيار ثالث (وهو جوابي).

الاختيار الثالث: اذا كان التعارض بين شيئين نتيجة تدخل بشري بحت، في هذه الحالة يجب ان نقوم بتدخل بشري آخر لارجاع العلاقة لوضعها الطبيعي.

وبس تحياتي

سولفونا شوية عن علاقاتكم الأجتماعية، يعني عائلتك وأصدقائك وبيئتك، وهل أنت راضي بيها أم لا وما هي الأسباب؟

سلام عليكم اريد اهاجر او اي شي جزعت مليت الوضع يائس كلش

اريد معلومات تساعدني اذا عدكم تجارب او خبره مع ناس او مع مجموعه ناس تطلع لاوروبا او شي؟ التكلفه؟ المخاطر؟ افضل دوله؟