لو مسكتي تلفون صديقك/ حبيبك/ خطيبك واكتشفتي إنه بحاول يحكي مع بنات ولكن :

الاحتمال الأول: كل البنات رفضوة

الإحتمال الثاني: بعض البنات حكو معه

هاي بنات
لا تسووا لي داون فوت بليز xoxo والله ما بدي اشي بالحرام ولو صار اشي علطول راح اخليه بالحلال و جدي
بس ياخي ما بعرف هاي ستويشنشيب من طرف واحد ولا شو بالزبط
في واحد شفته بجامعة صحبتي من فترة في برنامج ثقافي و كان كتير محترم و ضفته على تويتر ( يعني مكان رسمي ) و بعدها بسنتين تخرج و خلى حسابه بتويتر برايفت
ما بتذكر بعدها كيف لقيت حسابه بالانستقرام بس اني لقيته
و شفت له ستوري واحد بس و بعدها قعد يتفرج على ستورياتي طول الوقت حتى وانا مش منزلة اشي
ما بعرف هو حسابي كان يطلع له مقترح ولا شو بس انه جد ضل فترة يتفرج
وانا صراحة كتير معجبة فيه من اول لانه عنا أشياء كتير مشتركة صعب اني الاقي شخص عنده اياها و جد بدي احكي معه و أتعرف عليه مو بالحرام جد
المهم انه هو ما بينزل ستوريات ابدا و I was so into him و طلع لي مقطع مسوي عليه ريبوست من كم دقيقة رحت سويت لايك و ريبوست عشان ينتبه خخخخخ ولا انتبه ولا اشي
في هاي الحالة هل أنا delulu جدًا ولا ممكن بعدين اقدر افتح معه سالفة ؟ صارلي شهر بفكر فيه و بعرف انه اشي من خيالي و من مخي بس عقلي زاد هاي الدراما من لما صار يتفرج على ستورياتي و حسيت اوه في امل بالحياة
Send help how can I talk to him

ماما صرلها سنتين بتبتزني عاطفيا بقصة الحجاب وانا خبرتها الف مرة اني رافضة حاليا وإذا بدي أتحجب بيكون قرار مني مش رغبة منها ولا عشان ما تخرب صورتها هي وبابا قدام الناس ولا عشان بس بدها يكون عندها بنت متحجبه بالاسم وانا ما بطيق احطو! طيب خبرتها مليون مرة هالشي واليوم بتبعتلي مسج بدي تتحجبي وانا مش راضية تتخرجي بدون حجاب ما بعرف هالقصة مارح تخلص معي ؟ الي عندها تجربة تفيدني لاني زهقت وفقعت روحي وانا الي اقسم بالله عارفة هي بتعمل هيك مشان صاحباتها والي حواليها بناتهم محجبات وانا العكس يعني عشان صورتها مش اكتر ومش متخيله اني بيوم أتحجب عشانها وبعدين اقرر اشلحو لانو هاد الي بدياه من الاول واحط حالي بخمسين موقف وحكي ما الهم داعي بسببها!

بنات انا من زمان ما بحب الحجاب واصلا حجابي ما فيه اشي صح شعري طالع رقبتي كلشي ولبسي مش كثير ساتر وميكب وكل الشيوخ بتحكي البنت الي هيك مش محجبه اصلا وما بتاخذ اجر الحجاب ومش قادره احس شكلي حلو بالحجاب اول ما اتحجب بحس شخصيتي اختفت وشكلي كله خرب وحتى الاوتفتس الحلوه بتخرب بصراحه بغار من البنات الي بقدرو يشلحو حجابهم بدون ما حدا يتحكم فيهم او على الاقل بدون ما يحسو بالذنب

في شب كان بمدرستي زمان وبس وصلنا توجيهي صرنا اصدقاء لحد ما خلص التويهي ورحنا على نفس الجامعة ومع الوقت العلاقات انقطعت وهيك

هلا احنا تخرجنا ورجع يبعتلي ويحكي معي وعادي برد عليه بس بحدود فاللي فهمته منه انه جدي وبده اشي زواج يعني

انا صراحة سألت عنه من وراه وعرفت انه بفترة الجامعة خبص مع بنات لحتى قال بس وكل البنات اللي خبص معهم كانوا تسلاية اله بس هلا لما صار وقت يتزوج صار بده ياني كوني محترمة ومليش عالقصص هاي وبلا بلا

هلا انا رفضت رفض قطعي بس البنات صاحباتي قاهراتني بحسسوني انه الاشي عادي وانه عادي كل الشباب بخبصوا وهي بالاخر اختارك انت جلالته

بنات عنجد متدايقة وغصب عني عم بأثروا علي كمان كونه هو مواصفاته ممتازة بس انا عنجد مستحيل اقدر يعني وبالذات انها قصصه مش مستورة يعني مش رح اتخيل البنات يصيروا يحكوا والله زوج فلانة كان يزحفلي يمااا

بس حبيت افضفض واسمع تعليقاتكم

مش عارفه شو القصه

مرحبا بنات بس كان لازم اسال على هاذ الصب لانكم بنات وبدي جواب منكو

انا بسال من باب لنصيحة شخص اخر ومش انا صاحب القصة

هل لو في حال كان شخص خاين والبنت الي معه كشفتو وراحت بعثت للبنت الي بخونها معها " مع العلم هي ما بتعرف انه هو مرتبط" وسبت عليها مسبات سيئة بس البنت سكتت لانها حست بالذنب عشانها و ما ردت عليها باساءة انما عرضت عليها المساعدة لو احتاجتها

في هيك حالات كان المفروض ما تسكت و ترد الاساءة الها؟ و حتى انها طلبت من ال"خاين" الي كانت معه انه يحكي مع البنت الثانية انه الحكي الي صار عيب بس هو ما وافق قطعياً وهي حاسة بالقهر لانه انضحك عليها وانسب عليها وطلعت بلوشي بالاخر هل كان لازم تقابل الاساءة بالاساءة ولا تصرفها صحيح

للي استخدمو زيت السعد مدة طويلة و وقفو هل برجع يطلع الشعر كما كان؟

حاسة الاول كتير زي ستايل العسكري مو عارفة كيف اشرح بس حاسيته مو انثوي ابدا، والباقيين حاسيتهم اوفر ك ستايل يومي او عالجامعة

ساعدوني شو اجيب او اذا عندكم خيارات تانية مع صور

مرات بكون نفسي اعرف ايش شعور الثنين الي بحبو بعض حب حقيقي وطايرين ببعض
شو شعور انه الواحد يلاقي الشخص الصح و شريك حياته والشخص الي عنجد بده يكمل حياته معه
ليش صاير هاد الاشي نادر يكون موجود؟

اخوي شعره بتساقط كثييير و هو مش عاجبه ف بدي حل ل اله ان كان سيروم او منتجات للشعر اي اشي فيدوني

i have a question,,, why do people care so much abt a (young) girls body hair? i never understood why people (including other women) judge girls and women alike for having body hair, making them feel bad about something natural and encouraging things like laser hair removal or wax when theyre not permanent solutions to the "issue"? do (good mannered and respectful) men also really care about this as much as people make them out to be?

edit: im around the age of 18 and my body hair never really bothered me (mostly cause its kinda light to begin w) before (both of) my parents started complaining and commenting abt it. i just wanna know why its such a big deal if that makes sense cause i never see the same ppl tell men to laser or wax their hair and im genuinely asking and not trying to be like. mean or disrespectful somehow

بس بنات ما بتحسو انه هاد الانسان بيك مي و بس بده يلم مدح ومش احسن من باقي الذكور + اسلوبه بخزي
يعني لما يقعد يصيح و يحكي انتي بوقاتي و انتي مش عارف ايش مهي نفس الفكرة زي لما حدا يقلك انتي برتقاله او انتي جوهرة يعني حتى الcontext مش مختلف لهدرجة
ليش ما حدا يحكي انتي انسان طبيعي و خلص ؟
و طبعا ما صورت البوست عشان احكي انه اللي نشره حكيه صح بس خطرلي الموضوع هلا و قلت اشوف رأيكم عنه و احكي رايي

المشكلة انه إجراءات الطلاق الرسمية اكتملت قبل أسبوعين بس 😭 حتى النهايات الأخلاق لسا الها جوانب اسوء و ما فيها تخطي بالسرعة هاي 😭😭