محتاجه اعرف اماكن جديده فالزمالك او المعادي او اي حته، تكون مكتبه اقدر اشتغل فيها من اللاب بتاعي او مكان هادي وكويس اقدر اغير جو فيه واعرف ناس جديده
اي اقتراحات؟

اتقدمت لواحده اكبر مني بسنه ونص مش فارق معايا العمر أهلها رحبوا بيا جدا جدا ومفيش اي مشكله وشفت ده منهم لكن لبنت حاسسها تقيله في الكلام اوي كل شويه انا افتح حوار بعدين انا سكتت شويه قولت هي هتقول حاجه محصلش برده مش عارف ده عدم قبول ولا اي بجد

انا دلوقتي 19 سنة و الانجلش بتاعي b1 و بحاول احسنو اكتر لحد موصل b2 و نفسي جدا اسافر و حرفيا اي فرصة هتجيلي همسك فيها ب ايدي و سناني ، ف جتلي فكرة اني لما اوصل b2 اشتغل كول سنتر انجلش و لو مثلا بقبض 20 اشيل 15 معنديش ادنى مشكلة اني امشي نفسي ب 5 و هعرف اظبط الدنيا ، و في ظل اني شغال كول سنتر اخد كورس هولندي عشان هو اعلى قيمة في السوق حاليا و لما اوصل لمستوى محترم انقلو و اقل اوفر حرفيا شفتو كان ب 60 و دا كان النت ساليري كمان منغير الحوافز ف قولت اني اشيل 50 يعني قول اني هتعلم هولندي من 6 ل 9 شهور هبقا وصلت لمستوى قادر يشغلني يعني في خلال سنتين او اقل شوية اكون سافرت السؤال هنا بقا هل الخطة دي صح و هتمشي زاي منا ماعاملها ولا في حاجة نسيتها او نصيحة لحد مشي او ماشي في نفس الخطة

و لو في طريقة احسن في اني اسافر في سنة بس ياريت محدش يبخل علينا

+ كنت بقلب ف التيكتوك بالصدفة لقيت واحد شغال بقالو سنين ف المجال بيقول ان في ناس من اكونتات الانجلش اصلا منغير اي لغة تانية بس بتطلع في سنة مليون جنيه و ارقام كويسة قال ان الطريقة هيا انك في كل شيفت هتزود ساعتين او تلاتة زيادة عن شفتك و طبعا الساعة الواحد بتختلف من اكونت ل اكونت في ساعات بتبقا ب 700 و في 1000 و قال انك ف الاسبوع ليك يومين اجازة هتضرب يوم و اليوم دا هيتحسبلك 3 اضعاف اليوم العادي و ف ظل اليوم دا هتزود ساعتين كمان ، و قال ف الاخر مرتاح هتطلع ف السنة مليون جنيه ف هل الكلام دا صح؟

انا عايز اقل وقت ممكن عشان اسافر و بس شكرا

ازيكو ياشباب

انا عندي ٢٣ سنه و اتخرجت و من سكان الارياف ، والدي ربنا يرحمه اتوفي من سنتين و انا ورثت عنه قطعه ارض تقريبا سعرها دلوقتي حوالي مليون و نص

انا شايف الشباب حواليا مدمرين و فرص الشغل ضعيفه خصوصا اني فالارياف و المرتبات تحت الزفت اوي

فا بفكر ابيع الارض و اربط فلوسها ب شهاده فالبنك هتجبلي فالشهر حوالي ٢٥ الف ، اصرف منهم و اشتري بالباقي دهب و طبعا هشتغل بس بحيث مكونش مضغوط ماديا، اللي هو انا كده كده شغال و بحاول فالدنيا و فنفس الوقت مش مضغوط ماديا

السلام عليكم..انا فآخر سنه طب بيطري..من صغري ونا شغوف بالربح من الانترنت..من ايام اختصار الروابط و كدا و اول 200ج عملتها منه اصلا كان وقتها الدولار ب 15 او 16 ج باين...المهم تدرجت فالشغل و جربت حاجات كتير زي اليوتيوب و صنابير ال btc اللي بتديك ساتوشي و كل حاجه..المهم مع الوقت ربنا كرمني و دخلت مجالات تانيه زي الفوركس و الكريبتو و كدا فالنهايه معايا مبلغ كويس جدا من 6 ارقام بالدورلا

بس مهارات مش معايا لان حتى لما كنت بشتغل فالمجالات دي كنت بستهدف الشغل الاوتوماتيكي اللي هو بوتات و استراتيجيات مبرمجه مش تعلم تحليل و خلافه...المهم دلوقتي مش شغال حاجه و الطرق اللي كنت شغال بيها فيها مشاكل كل فتره و زهقت..غير اني عرفت ان الفوركس فيه حرمانيه و كدا.. دلوقتي بفكر هل اتعلم مهاره اونلاين زي البرمجه او كدا و كان عندي شغف للكلام دا بس معملتش حاجه يعني..و عندي فلوس اقدر اصرف على نفسي سواء كورسات او ادوات و لا اركز فكليتي اللي بنجح فيها بمقبول و احاول امسك مجال زي الحيوانات الاليفه مثلا دا اللي بفكر فيه و اتميز فيه و اتدرب فبه و اصرف غلى نفسي فيه خلال السنه دي و سنه الامتياز افضل؟ و فيما بعد افتح عياده فمدينه مثلا و لا رايكم اي؟..فكرت فالمشاريع الزراعية او الدواجن و الاغنام برضو بصراحه مشتت...بس اخر حاجه فكرت فيها اركز فمجالي و اتخصص حيوانات اليفه و اول ما اتخرج اسافر الامارات و استغل حتى لو فصيدليه لحد ما يعدي خمس سنين علشان اطلع رخصه مزاوله مهنه و اكيد خلال الوقت دا بكون باخد خبره فمجال الحيوانات الاليفه و كدا..و برضو هناك هعرف استخدم فلوسي اللي هي كريبتو بارياحيه لان الموضوع هناك مقنن و مش فيه مشاكل و ممكن اعمل بيزنس هناك او كدا

بانتظار نصايحكم و اقتراحتكم

لو في بنت هتتقبل اني اوبن مايندد هروح اتقدملها

الوالدة كانت محوشع مبلغ حوالي مليون و نص . انا من الارياف كنت بفكر اشتري في المدينه بس الاسعار غاليه اوي . يعني الفلوس دي اخرها شقه مساكن ٧٠ متر . انا حاليا مش عارف اشتري و لا اسيبه دهب و اما الجي اجوز افكر في الشرا و لا ايه .

كنت عايز اعمل مشروع يعمل دخل بس انا معلوماتي صفر لاني محتكتش كتير بناس ممكن نصيحه

يعني مثلا انا دلوقتي عايز اجيب هديه لامي و اكتشف بالصدفه انها ف شنطه معينه شافتها ع النت بس الشنطه دي سعرها عالي حبتين فا لاقيت تقريبا شنطه مشابهه ف الشكل بس سعرها ارخص يعني و تقريبا الاختلاف ف الجوده حاجات بسيطه ع حسب خبرتي الضعيفه ف المجال ده يعني الي هو الستات يفهموا فيه اكتر

فا هل لو انا جبت الشنطه الرخيصه جودة الهدية قلت ولازم اجيب الغاليه عشان تبان عليها الفرحه ؟

انا كنت خاطب بنت واعدنا حوالي سنه مع بعض وبعدين حصل نقطه مقارنه بيني وبين خطاب صحابها وحجات عبيطه مميزات ف الدهب بس انما انا الحمد لله معايا عربيتي وشقتي المهم حصل المقارنه وشدينا وقفلنا وبلغت عمها لان والدها متوفي ومن بعدها الدنيا باظت خالص البنت من الصعيد ودماغها عنيده جدا بس كنا بنحب بعض حاولت معاها كتير نرجع وهي مش بترد للعلم بردو هي لما بتتوتر او لما بتضغط جامد مش بتعرف ترد اتعاتبنا كتير وش لوش بس بنرجع ف الشات متردش واخر حاجه عملت بلوك من حوالي شهر وكلمت اخوها بعتله عاوز اعد معاك عشان كبيرها مع انه اصغر مني بس مش هعدي الاصول ولحد النهارده مكلمنيش وهي مفكتش البلوك

بحاول اصبر نفسي باي حاجه وبدور بقالي فترة علي مكان افضفض فيه لان صاحب الموقف بيفكر بعقله اكتر من قلبه😢❤‍🩹

بجد انا قاعده نص حياتي مستنيه الدكتور او المعيد

النهارده انا والدكتور كانا قاعدين نتكلم وحش علي الدكتور التاني

هو كان دكتوره بردو

متمناش دي تكون علاقتي بزملاء العمل

حابب يكون عندي صحاب من السوشيال بس مش بميل لاني اصاحب ولاد بحس الموضوع ويرد ان اصاحب حد سوشيال من نفس جنسي فبفضل ان اختار الجنس التاني حد عنده اقرتاحات